Wat kan lekkerder wees as om die perfekte handgemaakte geskenk vir iemand te gee. Met meer as 50 projekte vir geskenke en hope idees om hulle pragtig toe te draai, is hierdie boek net wat jy nodig het om jou geliefdes te bederf. Daar is iets vir almal - van troeteldiere tot vriende, van babas tot oupas en oumas - en geskenke vir enigiets van 'n verjaarsdag en 'n huweliksherdenking tot 'n kombuis- of ooievaarstee. Elke projek word duidelik met eenvoudige stap-vir-stap aanwysings uiteengesit en vergesel van 'n lieflike kleurfoto van die voltooide item. Daar is deurgaans uitstekende verpakkingsvoorstelle asook wenke en raad met alternatiewe wat jou sal help om unieke geskenke te skep wat harte baie bly sal maak.

Hierdie boek bied jou meer as 75 stap-vir-stap-projekte en meer as 25 vinnige idees, met pragfoto's om ou, ongebruikte voorwerpe in begeerlike juweliersware, dekoritems, skryfbehoeftes, meubels en nog meer te omskep. Leer hoe om met eenvoudige handwerktegnieke, algemene handwerkbenodigdhede en net 'n bietjie kreatiwiteit unieke voorwerpe te skep wat jy kan dra, vertoon of gebruik. Benewens die stap-vir-stap-projekte gee die skrywer nuttige advies oor hoe om voorwerpe 'n vintage-voorkoms te gee, waar jy vintage-prente kan kry en idees vir tweedehandse voorwerpe wat jy in jou projekte kan gebruik. Carla se geheim is om die moontlikhede in alles raak te sien. Ma se ou blikke, Ouma se stukkende borsspelde en Pa se versameling sleutels word omtower tot bruikbare, praktiese, pragtige kleinode. Die boek is pragtig geillustreer met besielende foto's en bevat onder meer: Wenke, gereedskap en truuks; Juweliersware; Flesse, bottels en vase; Dekor; Tekstiele; Muurkuns; Ligte en lanterns; Papier en verpakking; Vir die tuin; Herskepte meubels; Koel kamerdekor vir kinders. In 'n wereld waar vermorsing en afval dringend bekamp moet word, kan jy gerus aansluit by die immer groeiende groep handwerkers wat kies om iets wat oud is vir iets nuuts te gebruik.

Foto's het nog altyd sterk emosies ontlok - spesiale herinnerings wat op kamera vasgele word, het hul eie besondere bekoring. Daardie bekoring kan egter slegs met ander gedeel word as die foto's uitgestal word. En daarvoor bestaan daar veel meer moontlikhede as om hulle bloot in 'n album te sit of in 'n raam op te hang. Hierdie boek bevat meer as 75 idees om jou foto's op aantreklike en interessante maniere te vertoon. Dit is die resultaat van baie proefskote en eksperimentering. Sommige van die projekte is funksioneel en dekoratief, en ander weer heerlik prettig. Almal het egter een ding in gemeen: die kreatiewe gebruik van foto's, en wat jy ook al byderhand het om dit mee te versier. Basisse sluit in skilderdoek, glas, porselein en keramiek, hout en harde bord, lap, kerse en vloerlyste. Daar is trouens bitter min oppervlakke wat nie op een of ander manier met foto's bedek kan word nie. Verskeie tegnieke word gebruik, waaronder verskillende oordragmetodes, decoupage, fotomontage en hars-deklae. Gebruik die idees om jou foto's in persoonlike geskenke te omskep deur alledaagse artikels daarmee te versier, of om treffende dekoritems vir jou huis te maak. Wanneer jy eers begin, sal jy dalk nie weer wil ophou nie! Die stap-vir-stap-illustrasies en aantreklike foto's van die voltooide projekte sal jou leer en inspireer. Gee dus jou skeppendheid vrye teuels en vul jou lewe met jou spesiale oomblikke.

Photographs have always evoked strong emotions - special memories caught on camera have their own special magic. But photos must be displayed for us to share their magic with others. Now there are many more display possibilities than placing them in an album or simply framing them.

This book shares more than 75 ideas for turning your photos into attractive and interesting displays. It is the result of much experimenting and trial and error. While some projects are both functional and decorative, others are delightfully quirky. They all have one thing in common: the creative use of photographs, and whatever you have at hand for embellishment. Bases used include canvas, glass, porcelain and ceramics, wood (MDF and soft wood), fabric, candles and skirting boards. In fact, there is hardly a surface that cannot be covered with a photograph in some way or another.

Various techniques are used, including several transfer methods, decoupage, photomontage and covering with resin. Use these ideas to turn your photos into valued gifts by personalising general-use items or simply create eye-catching decor for your home. Once you start, you may not want to stop! Illustrated with step by step photographs as well as magnificent photos of each finished project, the book will both teach and inspire.

So give your creativity free rein and fill your life with your special moments.